Shqipëri, qeveria rrit akcizën e duhanit

0

Qeveria shqiptare ka miratuar një projekligj për rritjen çdo vit të taksës së duhanit për tre vitet e ardhshme. Edhe pse vendimi është një akt fiskal, ai u njoftua nga ministri i shëndetësisë,Ilir Beqja sipas të cilit “frenimi i duhanpirjes do të ketë impakt të drejtpërdrejtë në përmirësimin e kujdesit shëndetësor të qytetarëve, por edhe impakt social dhe ekonomik”.
Në fillim të këtij viti qeveria e rriti me 28.5 % akcizën e cigareve, nga 70 në 90 lekë për paketë. Madje, ishte parashikuar në buxhetin afatmesëm se rritja do të vazhdonte me 10 lekë për paketë në vit, deri në 2017. Burime nga “Top Channel” thonë se me aktin e fundit qeveria e ka rënduar masën e rritjes, por kreu i shëndetësisë theksoi se përmes këtij vendimi qeveria synon ta barazojë akcizën me vendet e BE-së, edhe pse në këto vende të ardhurat mesatare për frymë janë tre herë më të larta se në Shqipëri.

Qeveritë e viteve të fundit kanë rritur taksën për duhanin, ku aktualisht në çmimin e një pakete mbi 60 % është taksë për buxhetin. Sipas qeverisë kjo ul konsumin e duhanit, por ekspertët thonë se rëndimi i taksave më shumë se uljen e konsumit ka nxitur kontrabandën e cigareve. (nga:Top Channel) 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com