Prodhuesve të mëdhenj të ushqimeve u është thënë që ta reduktojnë sasinë e sheqerit që e përdorin, për shkak se ai është bërë “duhani i ri”. Mjekët dhe akademikët thonë se nivelet duhet që të reduktohen për deri në 30 për qind, për ta ndalur valën e sëmundjeve dhe vdekjeve. Ata kanë zbuluar se madje edhe jogurti pa yndyrë përmban pesë lugë të çajit me sheqer, ndërsa një konservë me supë domatesh ka katër. Ekuivalenti i 8 lugëve të çajit është gjetur në çokollatën ‘Mars’. “Sheqeri është duhani i ri”, ka thënë Simon Capewell, profesor i epidemiologjisë klinike në Universitetin e Liverpulit. “Kudo, pijet me sheqer dhe ushqimet e shpejta u ofrohen prindërve dhe fëmijëve nga një industri cinike e përqendruar në fitim e jo në shëndet. Epidemia e mbipeshës është duke e krijuar një barrë të madhe të sëmundjeve dhe vdekjeve”, ka shtuar ai. Profesori Capewell është pjesë e një grupi të ri amerikano-britanik, që bën fushatë kundër sheqerit ‘Action on Sugar’, i cili pohon se kërkesa që u është bërë kompanive që të bëjnë ndryshime vullnetare ka dështuar. Agjencia e Kombeve të Bashkuara thotë se janë duke u mbledhur gjithnjë e më shumë dëshmi, sipas së cilave pijet e ëmbëltuara me sheqer dhe konsumimi i gjërave të tjera ushqimore me sheqer lidhet me mbipeshën, diabetin dhe sëmundjet e zemrës.
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim