“I kisha dhënë 170 mijë lekë kur ishim të fejuar. I’a dhashë fshehurazi mamit dhe babit. Por ai nuk po m’i kthente. Më kërcënoi se do të më vriste prindërit nëse unë do të tregoja për paratë.
Por, erdhi momenti që unë duhet t’ua thosha, pasi nuk mund ta fshihja dot mungesën e lekëve në shtëpi. Marjo më kishte paralajmëruar që do t’i vriste prindërit e mi nëse unë u thosha, por nuk e mendoja kurrë se ai vërtet mund ta bënte një veprim të tillë”.
Kështu është shprehur M. Sereseli, prindërit e së cilës u masakruan me thika nga ish-i fejuari Marjo Bejdollari.Ajo kla rrëfyer gjithashtu atë ç’ka ndodhi në banesën e tyre atë natë , ku humbi jetën babi i saj dhe mbeti e plagosur e ëma.
“U shtrimë për të fjetur si çdo natë tjetër, rreth orës 23;00. Unë me motrën në një dhomë, prindërit në dhomën e tyre.Rreth mesnatës dëgjoj zhurmë. Zgjohem dhe po mbaja vesh. Në këtë kohë dëgjoj motrën e vogël që bërtiti në korridor. Ajo ishte ngritur para meje. Dola me shpejtësi për të parë se çfarë po ndodhte. Kur dola në korridor pashë babanë të mbështetur te dera gjithë gjak. Dorën e kishte vënë te qafa ku I rridhte shumë gjak. Donte të më thoshte diçka, por s’mundi. Përballë babit rrinte me thikë në dorë Marjo, i lyer me gjak. E tmerruar, duke ulëritur, e shtyva Marjon sa para mundësi për ta larguar nga babai. Ai qëndronte me thikë në dorë, i hutuar dhe nuk reagoi ndaj meje , edhe pse e shtyva duke e nxjerrë jashtë. Më pas ai u largua nga shtëpia.Babi për pak sekonda ra në shesh.U futëm në dhomë për të parë nënën.Ajo ishte shtrirë në shesh, e mbuluar me gjak e tëra, pa mundësi për t’u ngritur. Nuk dinim se çfarë të bënim. Me shpejtësi, të tmerruara shukuam te xhaxhai ynë, i cili është rreth 100 metra larg nesh, dhe i treguam se çfarë kishte ndodhur.Më pas, së bashku me komshinjtë, i dërguam në spiatal. Por babi nuk ia arriti”.
Kjo ka qenë dëshmia e 19-vjeçares, e cituar në gazetën “Panorama”.