Këshilli Konsultativ i përbërë nga Ministria e Financave, Administrata Tatimore, Doganat dhe bizneset i kryesuar nga Agim Shahini, kryetar i Aleancës Kosovare të Bizneseve, në takimin e radhës kanë diskutuar për disa çështje të rëndësishme dhe kanë rekomanduar institucionet për veprime.
Është shqyrtuar çështja e avullimit të karburanteve gjatë transportit dhe pranimi i mungesave. Të pranishmit thanë se kjo çështje nuk është rregulluar për vite të tëra. Këshilli rekomandon Ministrinë e Tregtisë dhe Industrisë, që të iniciojë Ligjin apo ndonjë vendim që rregullon çështjen e karburanteve. Drejtori i Doganave, Lulëzim Rafuna, tha se ky problem ekziston dhe kjo duhet rregullohet me ligj dhe doganat do të implemtoi posa të bëhen ndryshimet. Ndërsa për çështjen e fiskalizimit të naftëtarëve, drejtori i Administratës Tatimore, tregoi se fiskalizimi është pezulluar përkohësisht.
Besim Beqaj, ministër i Financave, tregoi se pas takimeve me të gjithë akterët janë dakorduar që për një kohë të caktuar të pezullohet fiskalizimi, por sipas tij kjo nuk do të thotë se ata nuk duhet të lëshojnë kuponë fiskal dhe se kontrollet nuk do të ndalen.
Agim Shahini, kryetar i këshillit, tha se të gjitha bizneset duhet të trajtohen në mënyrë të barabartë. Ai shtoi se edhe ky sektor duhet të rregullohet dhe këto biznese të jenë të barabarta me mbi 20 mijë bizneset tjera të fiskalizuara. Në këtë takim u diskutua edhe shkresa për kryetarët e komunave për mundësi të vazhdimit të ndërrimit të lokacioneve derisa të bëhen ndryshim plotësimet e ligjit të Lojrave të Fatit. Po ashtu u shqyrtua kërkesa e sektorit të Lojrave të Fatit, të cilat u tha se kanë dëmtuar këto biznese dhe mbyllja e tyre do linte pa të ardhura mbi katër mijë familje.
Ministri i Financave Besim Beqaj, tha se kjo industri është cilësuar si problematike dhe është vlerësuar si kancer i shoqërisë. “Nuk ka tendencë as fushatë ndaj askujt, nuk është interesi të dëmtohet dikush apo të mbyllet ndonjë biznes, por të zbatohet ligji dhe të shtohet rritja ekonomike”, tha ministri i Financave.
Në këtë takim u diskutua edhe për mallrat me origjinë nga vendet e CEFTA-s dhe vendosja e pezullimit të trajtimit preferenecial. U diskutua edhe për licencimin e Terminaleve Doganore dhe kriteret e reja të cilat do të harmonizohen me Bashkimin Evropian.
Ndërsa kërkesa për lirimin nga doganat për disa produkte dhe transportit të udhëtarëve si mjete pune u vendos që të shqyrtohen në takimin tjetër ku ministri i Financave kërkoi që të pasurohet lista nga përfaqësuesit e biznesit për lëndë të parë në mënyrë që të lirohen nga taksat për prodhuesit vendës.
Këshilli u informua edhe për të hyrat e 3 mujorin e parë nga Doganat e Kosovës dhe ATK -ja si dhe vlerësua si performancë pozitive e këtyre agjencioneve. /IO
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim