OSBE: Gjuha e urrejtjes në media duhet të ndalet

0

Gjuha e urrejtjes në media apo në paraqitjet publike të liderëve politikë nxit diskriminim dhe ndonjëherë edhe dhunë. Kështu ka deklaruar, Jean Claude Schumberger, shef i Misionit të OSBE-së në Kosovë në një konferencë për media.
Sipas Jean Claude Schumberger, ligji ndërkombëtar për të drejtat e njeriut ndalon gjuhën e urrejtjes dhe obligon qeveritë të marrin masa kundër saj.

Ai ka pohuar se shoqëria civile dhe mediat duhet të kontribuojnë në mënyrë efektive për gjuhën e urrejtjes.

“Në fakt, vlerësimi i kufizimeve në lirinë e të shprehurit, identifikimi i gjuhës së urrejtjes dhe formulimi i përgjigjeve efektive mund të jetë mjaft kompleks. Bëj thirrje për dialog dhe përpjekje të përbashkëta nga institucionet publike, shoqëria civile dhe mediat. Ngjarja e sotme do të ofrojë një mundësi për ju t’i diskutoni mjetet juridike në rastet e gjuhës së urrejtjes dhe mekanizmat për zbatimin efektiv të legjislacionit të tillë në pajtim me standardet e të drejtave të njeriut. Gjithashtu, ju ftoj ta përdorni këtë forum për të shkëmbyer ide për atë qe shoqëria civile dhe mediat mund të kontribuojnë për të adresuar në mënyrë efektive gjuhën e urrejtjes”, ka thënë ai.

Ai vlerësoi se mediat, shoqëria civile dhe qeveria mbajnë përgjegjësi të madhe në mënyrë që të sigurojnë që nuk duhet të ketë hapësirë për urrejtje ndëretnike apo jo tolerancë, madje sipas tij adresimi i gjuhës së urrejtjes është një element i rëndësishëm në nxitjen e pajtimit pas konfliktit dhe ndërtimin e besimit në mes komuniteteve.

Ndërsa, Dunja Mijatoviq, përfaqësuese e OSBE-së për lirinë e mediave, tha se çështja e lirisë së shprehjes së mediave është një ndër çështjet më me rëndësi, madje duke pohuar se kjo çështje është shumë e ndjeshme.

“Mendoj që jemi shumë të ndjeshëm në shume çështje që kanë të bëjnë me të folurit në përgjithësi. Si avokate e lirisë se shprehjes dhe lirisë së medias, pyetja kryesore për mua është, sa larg mund të shkojmë ne me masa kufizuese kundër gjuhës së urrejtjes, pa i shkelur të drejtat themelore të njerëzve, që është liria e shprehjes, dhe ajo çfarë ne shohim në regjion dhe më tej, qeveritë po e kalojnë këtë vij të hollë, dhe faktikisht po e kufizojnë lirinë e shprehjes, në mënyrë që të luftojnë të folurit qe ata e quajnë gjuha e urrejtjes”, ka thënë ajo.

Ai tha se qeveritë janë ato që duhet të financojnë edukimin për çështjen e mediave. /KP/ 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com