Nga Kisha Ortodokse ngritet flamuri serb në Tiranë,

0

Ceremonia e “shenjtërimit” të katedrales “Ngjallja e Krishtit” në Tiranë mblodhi vëllezërit ortodoksë, shqiptar, grekë, serbë dhe nga shumica e vendeve të rajonit. Ajo që ishte shqetësuese ishte prania e kryepeshkopit serb Irenej i cili kishte thirrur gjithnjë në lufta kundër shqiptarëve të Kosovës dhe kishte bekuar aradhat e kriminelëve serbë në marshet e tyre për masakra në Kosovë dhe në luftat tjera të Ballkanit! Irinej edhe gjatë ceremonisë deklarojë se Kosova është “zemra e Serbisë” dhe ne asnjëherë nuk do të heqim dorë.

E për të mos pasur asnjë shqetësim Irinej, Janullatosi dhe të tjerët, shteti shqiptar përmes policisë u kujdes duke mos dhënë asnjë leje për zhvillimin e protestave. Me një akt tejet simbolik vetëm partia Aleanca Kuq e Zi në orët e para të mëngjesit ka vendosur përpara Katedrales një parrullë kundër klerikut serb Irenej.

Por e kundërta me këtë me një jehonë tejet të madhe pranë katedrales “Ngjallja e Krishtit” në Tiranë janë parë edhe një grup të rinjsh (serb apo shqiptar) të cilët kanë valëvitur lart flamurin e Serbisë duke nderuar me simbolet e tyre ardhjen e Klerikut Irenej.

Nga ana tjetër nuk mungonin edhe qytetarë shqiptarë të cilët bënin thirrje që Kishës Ortodokse i duhet një Kryepeshkop shqiptar (ngase Kisha Ortodokse në Shqipëri ka kryepeshkop grekë) që lutjet t’i këndojë në gjuhën shqipe dhe jo në greqisht apo në gjuhë të tjera.

Godina e Katedrales është rrethuar me forca të shumta policie gjatë gjithë kohës kur kryehej ceremonia në mënyrë që të shmangeshin incidentet. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com