Mijanmar, muslimanët e Rohyngyas vazhdojnë të largohen nga Arakani

0

Muslimanët e Arakanit, në Mianmarin perëndimorë, vazhdojnë të largohen për shkak të konfliktit dhe kushteve të vështira të jetesës në këtë zonë, raporton Anadolu Agency (AA).

Muslimanët e Mianmarit, të cilët po largohen për shkak të diskriminimit dhe të sulmeve ndaj tyre, ndihmohen nga kapiteni i anijes së peshkimit Puton Nya, i cili lejon që të përdoret anija e tij për ti bartur. “Secili përpiqet që të shpëtojë. Kam frikë se askush nuk do të mbetet këtu për një kohë të shkurt,” thotë Nya.

Refugjatët me anijen e Nyat, shkojnë deri në Gjirin e Bengalit, nga ku me anije të ndryshme vazhdojnë udhëtimin. Nya, siç ka dëgjuar nga fqinji i tij, i cili gjithashtu transporton refugjatë, thotë se refugjatët në këto anije keqtrajtohen, gratë përdhunohen, ndërsa nda burrave ushtrohet dhunë.

Drejtori i Projektit Arakan, i cili është projektuar për të mbrojtur të drejtat e muslimanëve Rohingya, Chris Lewa, zbuloi se nga 15 tetori deri më tani nga Arakan janë larguar afër 15.000 muslimanë. Refugjatët zakonisht shkojnë në Malajzi, Indonezi dhe vende të tjera.

Shifra e 15.000 refugjatëve është rritur dy herë në krahasim me të njëjtën periudhë të vitit të kaluar. Lew tha se në dy vitet e fundit, më shumë se 100.000 njerëz kanë ikur nga Arakan, duke shtuar se forcat e sigurisë po kryejnë dhunë të vazhdueshme kundër muslimanëve, sepse ata duan që muslimanët Rohingya të largohen nga zona.

“Në dy muajt e fundit, katër persona kanë vdekur për shkak të torturës. Të rinjtë e ndaluar nga policia, u torturuan pa asnjë arsye. Në 24 orët e fundit u arrestuan të paktën 140 persona, me pretendimin për lidhje me grupet radikale,” tha Lew.

Ministri i Informacionit të Myanmarit Ye Htut nuk ka komentuar këto pohime, ndërsa zëdhënësi për krahinën e Rakhine, Win Myaing tha se “askush askënd nuk e detyron të largohet.”
“Nuk e di nëse numri i refugjatëve është rritur. Por në qoftë se duan që të largohen, ky është vendim i tyre. Ne nuk kemi asgjë të bëjmë me këtë,” tha Myaing.

Qeveria e Mianmarit mohon praninë e muslimanëve Rohingya dhe i konsideron ata si refugjatë nga Bangladeshi. Muslimanëve Rohingya iu mor e drejta e shtetësisë së Myanmarit për shkak të ligjit që hyri në fuqi në vitin 1982, kështu që muslimanët Rohingya mbetën “pa shtetësi”. Ata mund të marrin nënshtetësinë e Mianmarit, vetëm në qoftë se mund të provojnë se jetojnë në këtë vend që nga viti 1948, që është pothuajse e pamundur.
Kombet e Bashkuara, pranuan muslimanët Rohingya si “minoritete fetare të shtypura.”
Myanmar ka një popullsi prej rreth 60 milionë, ku shumica e tyre janë budistë.
Baza e reformave politike dhe ekonomike në Mianmar kanë nisur në vitin 2011, pasi junta ushtarake ia dorëzoi pushtetin qeverisë civile.

Grupit etnik Musliman Rohingya, u janë hequr shumë të drejta themelore të njeriut. Presidenti i Mianmar, Thein Sein tha se qeveria është përgjegjëse vetëm për gjeneratën e tretë të familjeve Rohingya, të cilët erdhën para pavarësisë së vendit në vitin 1948, ndërsa është e pamundur që ti pranojmë ata të që hynë “ilegalisht” në Mianmar.

Është rekomanduar që agjencia e OKB-së për refugjatët (UNHCR) të kujdeset për to, në mënyrë që ata do të vendosen në kampet e refugjatëve, ose në vende tjera. Përfaqësues i muslimanëve Rohingya me qendër në Bangladesh, Nur Huseyin, u bëri thirrje vendeve muslimane që ti ndihmojnë popullit të tij, ndaj të cilit ushtrohet dhunë në Mianmar. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com