Luftëtarë të rezistencës palestineze Hamas, 23 sosh, kanë shpëtuar pasi ishin mbetur të bllokuar brenda një tuneli të shembur për gati dy javë. Njëzet e tre luftëtarë nga Brigadat Ezzeddin al-Qassam kanë arritur ti shpëtojnë vdekjes.
“Të 23 luftëtarët i kanë mbijetuar vdekjes kur një tunel u shemb në fillim të sulmit tokësor izraelit”, thanë Brigadat në një deklaratë.
Deklarata thotë se luftëtarët e Hamasit kishin hyrë në tunel të përgatitur për një sulm kundër trupave izraelite.
Një luftëtar i Hamasit i cili i kishte mbijetuar shembjes, tha se tuneli u shemb kur avionët izraelit goditën distriktin al-Qarara në jug të Rripit të Gazës.
Izraeli ka tërhequr plotësisht forcat e saj okupuese nga enklava e rrethuar palestineze.
Të dy palët janë aktualisht në Kajro për bisedime indirekte mbi një marrëveshje të qëndrueshme të armëpushimit.
Të paktën 1867 palestinezë janë vrarë dhe rreth 9500 të tjerë u plagosën në sulmet e vazhdueshme izraelite në Rripin e Gazës që nga 7 korriku. /mesazhi/