Kenia ka suspenduar 52 zyrtarë të qeverisë, pas vdekjes së 100 njerëzve nga pijet alkoolike të pasuruara me metanol, tha ministri i Brendshëm Joseph Ole Lenku. Vdekjet kanë ndodhur që nga e diela në gjashtë qarqe, në qendër dhe lindje të vendit.
Zyrtarët e pezulluar përfshijnë shefin e fushatës kombëtare kundër abuzimit të drogës, kreun e agjencisë anti-falsifikim të qeverisë, zyrtarë të zbulimit, zëvendëskomisionerët e qarkut dhe komandantët e policisë.
“Qeveria ka mbyllur një fabrikë të një kompanie të pirjeve alkoolike e quajtur Comrade Limited”, tha ministri, transmeton REL. “Ne jemi të vetëdijshëm se disa nga zyrtarët tanë po bashkëpunojnë me këta kriminelë, dhe do të ndërmerren masa”.
