Kasaphanë në Sudanin e Jugut, 200 veta vriten në Xhami

0

Qindra persona janë vrarë për shkak të përkatësisë së tyre etnike pasi rebelët nga Sudani i Jugut morën nën kontroll zonën e pasur me naftë të Bentiut javën e kaluar. Lajmin e ka bërë të ditur misioni i OKB-së në vendin afrikan, që saktëson se viktimat u shënjestruan teksa ndodheshin në xhami, kisha dhe spitale.
Në një deklaratë për shtyp thuhet se fjalime të urrejtjes u transmetuan në disa stacione radiofonike lokale, ku bëhej thirrje që grupe të caktuara etnike të largoheshin nga qyteti, ndërsa gratë të dhunoheshin.

Komuniteti i etnisë Nuer shihet si mbështetës i liderit të rebelëve, Riek Machar. Presidenti Salva Kiir është anëtar i grupit më të madh rebel të vendit, Dinka.

Edhe pse të dy liderët kanë mbështetës të shumtë nga komunitete të ndryshme, ka pasur raportime të shumta për rebelët që vrasin anëtarë të etnisë Dinka dhe për ushtrinë që vret të asaj Nuer, që nga fillimi i konfliktit në dhjetor 2013, transmeton TCH.

Që atëherë, mbi 1 milion persona kanë braktisur shtëpitë e tyre në atë që prej kohësh renditet mes vendeve më të varfra në botë.

Ndërkohë, banorë që nuk i përkisnin etnive të sipërpërmendura dhe shtetas të huaj janë veçuar dhe janë vrarë, saktëson më tej misioni i

OKB në Sudanin e Jugut, Unmiss. Rreth 200 civilë raportohet të jenë vrarë në xhaminë Kali Balle, ku ata kishin kërkuar strehë. Ndërsa në spital, burra, gra e fëmijë, të etnisë Nuer, që zgjodhën të fshiheshin sesa të mbështesnin forcat rebele kur hynë në qytet, mbetën gjithashtu të vrarë. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com