Një shqiptar 23-vjeçar u vra në Pavia, nga fqinji i tij, i cili e plagosi me thikë në gjoks, pas një grindje të dhunshme mes tyre.
I riu, Novi Kaçorri, pasi u qëllua nga fqinji i tij në një ndërtesë në sheshin “Italia” , më pas u transportua për në spital për të marrë ndihmën e nevojshme, por fatkeqësisht ndërroi jetë.
Ndërkohë personi i cili e plagosi u largua menjëherë. Policia është duke ndjekur gjurmët e tij. Ajo është duke punuar për të zbardhur më tej ngjarjen, transmeton Shekulli.online.
Sipas medieve italiane besohet se ka pasur një konflikt të hershëm mes dy personave. Ngjarja ka ndodhur mbrëmë rreth orës 19:30, kur nisi sherri mes tyre. /Telegrafi/
