E kanë kontrabanduar virusin e gripit të shpezëve dhe i kanë infektuar njerëzit për të shitur më shumë vaksina
Epidemitë jo vetëm që janë biznes i mirë, por edhe biznes kriminal i organizuar mirë, mendojnë hetuesit italianë, të cilët po përpiqen që të gjejnë dëshmi për atë në të cilën pothuajse janë të sigurt: jo vetëm që industria farmaceutike dhe ndërmjetësuesit shëndetësorë bashkohen për shkak të fitimeve të mëdha, legale, por edhe amorale, sepse spekulojnë me frikën e pabazuar të nxitur me qëllim, por disa herë edhe vetë kanë lëshuar viruse në mesin e njerëzve për të shkaktuar infektim dhe duke e dëshmuar ashtu rrezikun. Për supozimin e dytë nuk ekzistojnë dëshmi.
Virusi saudit në SHBA
Ekzistojnë dëshmi, megjithatë, që viruset dërgohen nga kontinenti në kontinent me DHL, si dërgesa të parëndësishme dhe të parrezikshme, duke anashkaluar në secilin kontrollim. Supozohet se kjo bëhet për t’u shpejtuar studimet dhe që të nxitet prodhimi i vaksinave. Hetimet janë ende duke vazhduar.
Amerikanët para më se 10 viteve e kanë zënë një person, i cili në SHBA kishte sjellë një virus nga Arabia Saudite dhe i kanë premtuar imunitet të plotë (jo shëndetësor, por ndëshkimor) nëse menjëherë i pranon të gjitha (me premtimin se do të vdesë në burg nëse më pas zbulohet se nuk ka treguar gjithçka). Ai pranoi. Në këtë mënyrë i kanë zënë edhe fajtorët e tjerë, i kanë dënuar me burg, e më pas, qysh në vitin 2005, kanë dërguar dokumentacion edhe në Itali, sepse kontrabanduesi me viruse ishte Paolo Candoli, menaxheri italian i ‘Merial’-it, degës veterinare të kompanisë gjigante ‘Sanofi Aventis’. Candoli ka pranuar se virusin e gripit të shpezëve e ka dërguar me DHL në Itali në vitin 1999. Ndoshta është një rastësi, por mu në atë pjesë të Italisë veriore ka shpërthyer epidemia më e fortë e gripit të shpezëve në fermat e shpezëve në Evropë dhe në perëndim në përgjithësi. Virusi ishte H7N3, mu ai të cilin e kishte dërguar Candoli. E ajo epidemi ka nxitur investime në studime dhe në blerje të vaksinave. Qeveritë lëshuan pe para opinionit publik, gjë në të cilën kanë kontribuuar edhe mediat. Por, informatat nuk ishin të shpikura, ato ishin dorëzuar me vulën e Organizatës Botërore të Shëndetësisë. Candoli, në një bisedë telefonike, ka folur për “terrorizmin informativ”. Me konfirmim të së vërtetës janë marrë karabinierët.
Hetimet e stërzgjatura
Duke e ditur që hetimet në Itali zgjasin më shumë se udhëtimi i Odiseut, dikush ia ka dërguar informatat gazetës ‘L’Espresso’, e cila kësaj ia ka kushtuar temën kryesore. Në qendër të hetimeve është Ilaria Capua, virologe e njohur botërore, tani edhe deputete në parlamentin italian. Instituti zooprofilaktik eksperimental (IZE) në Padovë, ku ka punuar, ka hyrë në kartel me kompaninë ‘Merial’ të Candoli-t dhe me kompaninë amerikane ‘Fort Dodge Animal’. Pse duhet të kontrabandohet virusi? Cili vjen i pari deri te ai, duke anashkaluar barrierat shëndetësore-burokratike, i pari do ta bëjë vaksinën. IZE-ja kështu, thuhet, ka importuar edhe fruthin nga Brazili, kështu që është e lehtë të paramendohet pse njerëzit janë frikuar nga gripi i shpezëve, i cili është treguar jo edhe aq i rrezikshëm, por i përshtatshëm për nxitje të panikut dhe rritje të fitimeve. Një gjë e tillë industrisë farmaceutike ia ka sjellë së paku 4-5 miliardë dollarë. Po të ishin përdorur për fëmijët e uritur – atëherë, po, me të vërtetë do të shpëtoheshin jetët.