Frika serbe: Nëse nuk e modernizojmë ushtrinë, FAK-u do të na sfidojë!

0

Forca e Sigurisë së Kosovës, e cila është themeluar më 2009, numëron afro 2500 anëtarë, ndërsa nga viti 2010 kanë edhe një forcë rezervë prej 800 njerëzve. Këto forca kishin detyrë të ndihmojnë popullatën në rast të fatkeqësive natyrore, për të shërbyer si një lloj e mbrojtjes civile. Që atëherë ishin të pajisura me armë të lehta këmbësorie të prodhimit të NATO-s dhe me mjete të lehta të blinduara të dhurura nga Turqia, shkruan analisti ushtarak serb Miroslav Lazanski, për ditoren Politika. Pikëpamjet e tij, që shpërfaqin frikën e tij nga FAK-u, Telegrafi do t’i sjellë më poshtë.
“Trajnimin e Forcës së Sigurisë së Kosovës në ndërkohë e ka marrë NATO… Por, pasi asnjë shtet nuk mund të cilësohet si shtet tamam nëse nuk ka ushtri – përjashtime janë Lihtenshtajni, Andora, Monako – Prishtina ka ardhur në përfundimin se është koha për të ndërruar emrin nga Forcat e Sigurisë, në Ushtri e Kosovës. Dhe, kjo do të ndodhë së shpejti, pa marrë parasysh se çfarë do të bëjnë deputetët serbë në Parlamentin e Kosovës.

Cila do të jetë ushtria e re në Ballkan? Do të numërojë rreth pesëmijë veta nën armë, plus të punësuar në Ministrinë e Mbrojtjes dhe në Shtabin e Përgjithshëm, si dhe ata që punojnë në agjencitë e ndryshme të zbulimit dhe të kundërzbulimit. Të gjithë së bashku do të jenë deri në 7.500 njerëz, plus një forcë rezervë prej rreth 3,000 trupave. Ky nuk është numër i vogël, kur merret parasysh numri i popullsisë totale të Kosovës…

Nga armët, Ushtria e Kosovës, kur të formohet, do të marrë para së gjithash armë të lehta artilerie dhe të mbrojtjes ajrore nga vendet e NATO-s. Sipas sistemit të kaskadës, anëtarët më të pasura të NATO-s u japin shteteve më të varfra sistemet e mbrojtjes që nuk janë ‘liga e parë’, por që ende janë shumë operative. Nuk do të ishte befasuese që Kosova të ketë edhe një regjiment të tankeve dhe që këto tanke të jenë më moderne se ato të Serbisë M-84, pasi tanket tona nuk janë modernizuar që nga viti 1990. Pastaj, amerikanët nuk do të dinë çfarë të bëjnë me teknikën e fuqishme të blinduar të cilën ose duhet ta tërheqin nga Afganistani, ose ta shkatërrojnë atje.

Sistemi i trajnimit të trupave të Kosovës do të jetë në përputhje me standardet e NATO-s, dhe theksi do të jetë tek operacionet paqeruajtës në botë…

NATO nuk do të lejojë organizimin dhe formimin e Ushtrisë së re të Kosovës sipas modelit të APJ-së, për çka ua kanë zënë për të madhe kroatëve. Jo sepse modeli ishte i keq, por për shkak se detyrat e ushtrive të reja të anëtarëve të NATO-s dhe kandidatëve për NATO nuk i përcaktojnë qendrat kombëtare politike apo qendrat e vendosjes ushtarake, por ‘Vëllai i Madh’. Ai përcakton se çfarë ushtrie do të keni dhe cilat janë detyrat e saj…

Ushtria e re e Kosovës nuk do të ishte menjëherë sfidë serioze ushtarake për Serbinë, por nëse vazhdon prapambetja teknike dhe teknologjike në pajisje dhe financime të forcave tona të armatosura, me kalimin e kohës mund të nxis shumë rreth Serbisë në realizimin e ambicieve të ndryshme”, ka shkruar Lazanski. /Telegrafi/ 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com