Ahmet Sadria, zëdhënës i BIK’ut, thotë se BIK ka qenë i gatshëm ta japë kontributin e vetë si institucion fetar, por janë anashkaluar.
“Ne nuk kemi mekanizma juridik. Nganjëherë, shembull në një fshat shumë të thellë, nganjëherë ai është imam i BIK’ut ose nuk është, por thjeshtë xhemati thotë une po e du këtë imam, pra BIK nuk ka autoritet vendimmarrës”, ka thënë Sadria në një emision në RTK.
“Kemi kërkuar që respektin dhe kredibilitetin që ka BIK’u, ta koordinojmë bashkë me institucionet tjera. Ne jemi anashkaluar sepse kemi qenë gjithmonë të gatshëm të japim kontributin tonë institucional”, ka thënë ai.
“Nuk është që nuk ka lëshime dhe BIK ka marrë masa ndaj tyre dhe çdo njëri që devijon nga ajo që është kundër politikës së BIK’ut do të ndërmerren masa”, tha Sadria.
“As imamët nuk janë mbi ligjin. Nëse ata kanë bërë shkelje të tilla, do të përgjigjen para ligjit”, ka thënë ai.
