Ballkani në vitin 2015 hyn me 2,3 milion persona të papunë

0

Në rajonin e Ballkanit Perëndimor do e presin 2.324.427 persona të papunë, të regjistruar në Entin Shtetëror të të Papunësuarve me shpresën se do të lajmërohet punëdhënësi i cili do të jetë i interesuar për shërbimet e tyre, raporton Anadolu Agency (AA).

Sipas të dhënave të fundit zyrtare, në Kosovë numri i të papunësuarve është 268.000. Kosova kështu vitin 2014 do ta përfundojë me shkallën e papunësisë prej 35,1 për qind. Në Malin e Zi, sipas të dhënave të Entit Shtetëror për Punësim (ZZZCG), janë të regjistruar 34,14 të papunë, ndërkohë që shkalla e papunësisë është 14,93 për qind.

Në Maqedoni sipas dhënave nga tetori 2014, numri i të papunësuarve ishte 175.225, përkatësisht 28,6 për qind.

Në Shqipëri, gjatë tremujorit të tretë të vitit 2014, sipas Anketës së Forcave të Punës, numri i të punësuarve të moshës 15-64 vjeç është 1.043.058 Persona. Numri i personave të papunë të moshës 15-64 vjeç është 2 19.585 persona. Gjatë tremujorit të tretë të vitit 2014 në Shqipëri për popullsinë e moshës 15- 64 vjeç shkalla e papunësisë është 17,4 %. Për të rinjtë e moshës 15-29 vjeç shkalla e papunësisë është 32,4%.

Në Serbi, sipas drejtorit të Shërbimit kombëtar të punësimit, Zoran Martinoviç, të regjistruar të papunë janë 741.000, që do të thotë se shkalla e papunësisë në këtë vend është 17,6 për qind.

Zëvendës drejtori i Agjencisë për punë dhe punësim të Bosnjës dhe Hercegovinës, Zhelko Rajiç, ka deklaruar këtë javë se në këtë vend aktualisht në Entet për punësim janë të regjistruat 547.319 persona të papunësuar. Pra shkalla e papunësisë në BeH është 27,5 për qind, ndërkohë që shkalla nominale e papunësisë në BeH arrin deri 44 për qind.

As në Kroaci nuk është situata aspak më e mirë, ku, sipas të dhënave të Entit shtetëror për statistikë, shkalla e të papunësuarve për nëntor arriti 19,2 për qind. Të dhënat në Faqen zyrtare të internetit të Entit Kroat për Punësim (HZZ) tregojnë se janë regjistruar 314.820 persona të papunësuar. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com