Të hënën në orët e pasdites ka ndodhur një aksident trafiku në Vushtrrinë mes të dy veturave, një kombi-bus transportues “Mercedes” me targa lokale dhe një automjeti po ashtu kombi-bus Peugeot me targa lokale.
Deri te aksidenti, sipas Policisë së Kosovës, ka ardhur nga pakujdesia dhe mospërshtatja e shpejtësisë me kushtet e rrugës, gjegjësisht të kyçjes së pasigurt në rrugën kryesore që e ka bërë i dyshuari me veturën e tij.
“Si pasojë e aksidentit, lëndime trupore kanë pësuar të dy drejtuesit e automjeteve si dhe tetë bashkudhëtarët e tyre, të gjithë meshkuj. Të gjithë të lënduarit kanë pranuar tretman mjekësor në Shtëpinë e Shëndetit në Vushtrri dhe janë liruar në shtëpi”, njofton Policia e Kosovës, ndërsa thekson se nuk ka të arrestuar për këtë rast. /koha/
