Në Tunizi dje janë mbajtur zgjedhjet presidenciale, ku sipas rezultateve paraprake, asnjëri prej kandidatëve nuk fitoi shumicën dhe presidenti do të zgjidhet në raundin e dytë të zgjedhjeve, raporton Anadolu Agency (AA).
Sipas rezultateve paraprake, në raundin e dytë që do të zhvillohet në dhjetor për postin e presidentit do të garojnë lideri i Partisë Thirrje për Tunizinë, El-Baji Kaid es-Sibsi dhe presidenti aktual Mohammed Munsif el-Merzuki.
Sibsi ka fituar 42 përqind të votave, ndërsa Merzuki 34 %. Të dy kandidatët përmes shtabeve të tyre zgjedhore njoftuan se është e sigurtë që presidenti do të zgjidhet në raundin e dytë.
Zgjedhjet e djeshme janë zgjedhjet e para demokratike në Tunizi pas revolucionit dhe rënies së regjimit të Ben Ali, ndërsa nga Komisioni i Lartë Zgjedhor bënë të ditur se ka filluar rinumërimi i votave, por se tani për tani nuk ka ndryshime në krahasim nga rezultatet paraprake të numërimit të parë.
Sipas Komisionit, në zgjedhjet e djeshme kanë dalë në votime 53,73 për qind e votuesve në vend dhe 27 për qind e votuesve të regjistruar jashtë vendit. Për pozitën e Presidentit të vendit konkurruan gjithsej 27 kandidatë, nga të cilat pesë prej tyre u tërhoqën nga gara para zgjedhjeve, por emrat e tyre megjithatë gjendeshin në fletëvotimet.