Ministri i FSK-së, Agim Çeku, ka thënë se në seancën e radhës të Kuvendit të Kosovës, këtë të enjte, pritet të jetë në rend të ditës ndryshimi i Kushtetutës së Kosovës për transformimin e FSK-së në Forca të Armatosura të Kosovës (FAK).
Ndërkaq, kryetari i Kuvendit të Kosovës, Jakup Krasniqi, ka thënë se për këtë çështje duhet të ekzistojë një marrëveshje me të gjithë përfaqësuesit e partive politike në kuvend. “Kemi marrë nga Gjykata Kushtetuese amendamentet e kërkuara nga Qeveria dhe në këtë seancë mund të jenë dhe mund të mos jenë në rend dite, pasi që duhet të ekzistojë një marrëveshje me të gjithë përfaqësuesit e partive politike në Kuvend që të votohen këto amendamente me votim të dyfishtë”, ka thënë Krasniqi, pas mbledhjes se Kryesisë së Kuvendit të Kosovës.
Ministri i FSK-së, Agim Çeku, ka shprehur besimin tij se ky proces do të përkrahet nga të gjithë deputetë e Kuvendit të Kosovës, duke shtuar se tanimë nuk ka asnjë arsye të shtyhet kjo çështje. Sipas tij, një gjë të tillë janë duke e pritur edhe partnerët ndërkombëtarë. “Tanimë me vendimin e Gjykatës Kushtetuese janë krijuar të gjitha kushtet dhe nuk ka asnjë arsye për çfarëdo vonese për ndryshimin e kushtetutës për themelimin e forcave të armatosura. Mendoj se edhe partnerët tanë ndërkombëtarë jo që e presin e pajtohen me një gjë të tillë, por edhe po e kërkojnë një gjë të tillë, pasi Qeveria ka marr vendim, atëherë ky vendim duhet të jetësohet dhe të fillojë plani i ndërtimit të Forcave të Armatosura”, ka theksuar Çeku për “Epokën e re”.
Ministri i FSK-së nuk pret që këtë proces ta pengojnë as minoritetet pasi, sipas tij, kjo është edhe në interesin e tyre. “Mendoj se arsyeja duhet të mbizotërojë edhe te minoritetet. Ky zhvillim pozitiv është në interes të gjithë qytetarëve të Kosovës dhe të gjitha komuniteteve. E di se minoritetet kanë disa kërkesa lidhur me vendet e rezervuara, por besoj se do të mbizotërojë arsyeja dhe do ta përkrahin edhe ata, sepse e di se edhe ata janë të bindur se ky është një zhvillim pozitiv dhe është në interes të tyre”, ka thënë Çeku.
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim