Sabit Zejnullahu: E di kush qëndron pas vrasjes së Hakif Zejnullahut, Zahir Pajazitit

0

Sabit Zejnullahu, babai i dëshmorit Hakif Zejnullahu, thotë se e di se kush qëndron pas vrasjes së djalit të tij, Zahir Pajazitit dhe Edmond Hoxhës
Ai bën me gisht drejt Nait Hasanit dhe Bislim Zogajt, të dy zyrtarë të lartë të PDK-së dhe ish pjesëtarë të UÇK-së.

Sabiti 76 vjeçar thotë se mban përgjegjësi për fjalët që thotë dhe rrëfen versionin e tij për ngjarjen.

Sipas tij, pas disa aksioneve kundër forcave serbe të organizuara nga Zejnullahu dhe Pajaziti me bashkëpunëtorë, aparati i atëhershëm serb ishte vërsulur t’i gjejë ata. Babai i Hakifit thotë se Nait Hasani e Bislim Zogaj, pas arrestimit të tyre, ua japin forcave serbe të dhënat me të cilat pas disa ditëve vriten Zejnullahu, Pajaziti dhe Hoxha.

I pyetur se pse ka vendosur të flas tash për këto akuza, thotë se disa herë ka dhënë deklarata, mirëpo ato nuk janë bërë publike. Thotë se dëshmi nuk i ka dhënë organeve të rendit, meqë thotë se këto organe udhëhiqen nga njerëzit që i cilëson si vrasës të djalit të tij.

Hasani nuk ka pranuar të flas publikisht por thotë se është i njohur për këto akuza dhe se për këto është sqaruar me babain e Hakifit.

Në anën tjetër, Bislim Zogaj, thotë se nuk beson se këto akuza po i bën babai i Hakifit, për të cilin thotë se ka respekt të madh. Akuzat nuk i pranon meqë shton se kurrë nuk do të pranonte t’i vënte në kurth miqve të luftës. Ndërsa, shton se akuzat janë prodhim i UDB-së që vazhdon t’i luftojë figurat e UÇK-së.

Për më shumë, shikojeni videon. /KTV 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com