Pupovci: Jetojmë në një shoqëri ku lejohet vjedhja, pikët e maturës të mos merren parasysh për regjistrim në fakulte

0

Dukagjin Pupovci, drejtor ekzekutiv tek Qendra për Arsimin e Kosovës thotë se edhe po të përsëritet testi i maturës nuk do të bëhej më mirë.
Ai thotë se do të duhej që pikët e maturës të mos vlenin për regjistrim në arsimin e lartë derisa të fitohej besueshmëria që i mungon këtij testi.

Ja shkrimi i plotë i Popovcit në Facebook:

Edhe po të përsëritet testi i maturës pas dy-tri javësh nuk bëhet më mirë. Në këtë shoqëri, vullneti dhe gatishmëria për të fituar pa mund janë më të forta se vullneti dhe gatishmëria për të ju kundërvënë mashtrimit dhe vjedhjes. Aty ku prindërit i ndihmojnë fëmijët në kopjim, ndërsa administratorët bëhen se nuk shohin ose, edhe më keq, bëhen pjesë e mashtrimit, nuk është e drejtë që testet e kësaj natyre të jenë përcaktuese për të ardhmen e fëmijëve. Prandaj, do të ishte e arsyeshme që pikët e testit të maturës të mos merren parasysh për regjistrim në arsimin e lartë derisa ky test të fitojë besueshmërinë që i mungon.

Ndërkaq, besueshmërinë do ta fitojë atëherë kur 50 ose 100 ose 500 mësimdhënës dhe zyrtarë të arsimit do të humbin vendin e punës ose do të përballen me ligjin për shkak se, në një mënyrë ose tjetër, janë bërë pjesë e skemave mashtruese. Kjo do një organizim krejt tjetër që shtrihet në gjithë vendin dhe nuk lë hapësirë për kompromise me mashtruesit dhe përkrahësit e tyre. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com