Pas takimit pesë orësh të mbajtur sot në Vjenë, përfaqësuesit e vendeve anëtare të OPEC-ut u pajtuan që niveli i prodhimit të naftës mos të zvogëlohet, raporton Anadolu Agency (AA).
Sipas ministrave të prodhimit të naftës nga Arabia Saudite dhe Kuvajti, OPEC nuk ka marrë vendimin i cili do të ndikojë në ndryshimin të prodhimit.
“Duke pasur parasysh pasigurinë dhe rrezikun në lidhje me oferta dhe kërkesa, OPEC do të vazhdojë të prodhojë 30 milionë fuçi naftë në ditë”, deklaroi zëdhënësi i Organizatës së Vendeve Eksportuese të Naftës.
Pritet se vendimi nuk do të ndikojë në mbingarkimin e tregut me oferta, por pritet që çmimet do të vazhdojnë të bien.
Çmimi i naftës së papërpunuar gjatë takimit të sotëm ka ra prej 75,44 në 74,34 dollarë.
