Më shumë se 100 palestinezë janë vrarë gjatë bombardimeve të intensifikuara izraelite sot, ndërkohë që zyrtarët e regjimit sionist kanë paralajmëruar për vazhdimin e këtyre sulmeve.
Kryeministri i regjimit sionist Netanjahu ka deklaruar se ofensiva do të vazhdojë pavarësisht apelit të OKB–së për të ndalur dhunën. Mbrëmë ndërkaq Gaza ka përjetur një nga netët më të rënda gjatë këtyre tre javëve bombardimesh. Termocentrali i vetëm i Gazës është shkatërruar pasi regjimi sionist ka kryer sulme të ashpra ndaj këtij centrali të Gazën. Forcat nisen nisën sulmet nga ajri, deti dhe toka, duke ndezur qiellin e Gazës me breshëri armësh dhe duke errësuar gjithçka me shtëllunga tymi. Ndërkohë, sekretari i përgjithshëm i OKB-së Ban Ki-Moon ka shprehur shqetësimin se Izraeli do të shkatërrojë Gazën, duke bërë thirrje për të ndaluar urgjentisht dhunën dhe duke paralajmëruar se territori palestinez është në “gjendje kritike”. “Në emër të humanizmit, dhuna duhet të ndalet”, tha ai. Agjencitë e OKB-së të vendosura në Gaza nuk kanë burime për të ndihmuar fluksin e madh të njerëzve. Një zëdhënës i OKB-së ndërkohë ka deklaruar se janë vrarë edhe anëtarë të stafit të OKB-së. OKB-ja aktualisht është kujdesur për 182 604 palestinezë në 82 pika strehimi të vendosura në Gaza. Sipas autoriteteve palestineze, 1115 palestinezë, shumica prej tyre civilë, kane humbur jetën si pasojë e bombardimeve izraelite që nga 8 korriku.
Të reja
- “Prishtina Talks” organizon eventin përmbyllës me temën “Daveti i Musait alejhi selam” me profesorin Rudian Zekthi
- Si të bëhemi lexues të rregullt të librave?
- Nëse kërkoni në Google se cili është njeriu më i mirë në historinë e njerëzimit, i pari në listë del Muhamedi (a.s)
- Facebooku, mbetet platforma besnike e qytetarëve të Ballkanit
- Presidenti turk, Erdoğan: Brenda një viti do të ndërtohen 488 mijë shtëpi të reja për viktimat e tërmeteve
- Anije ruse manovra pranë Shqipërisë, mediat italiane: Aeroplanët u ngritën në qiell
- Agjendat perverse nuk njohin kufi
- Vështrim Propozimit të BE-së për normalizim