Kushtetuesja (jo) kredibile

0

Gjykata Kushtetuese ka marrë goditjen më të madhe dy muaj më parë, kur një nga gjyqtarët e saj, Kadri Kryeziu, është parë duke marrë pjesë në aktivitetet partiake të partisë në pushtet, PDK-së. Veprimi shihej si cenim i Kushtetueses, por gjyqtarit vazhdon të mos i cenohet pozita.
Autoriteti i Gjykatës, që ka rolin e gardianit të Kushtetutës në Kosovë, ishte ngritur pas vendimeve me peshë që mori që në nisje të punës.

Ka rrëzuar presidentë, ka lënë deputetët pa imunitetin që e pretendonin dhe pa pensionet suplementare, e po kështu ka parandaluar implementimin e një marrëveshjeje ndërmjet forcave kryesore politike, që synonin ta rrëzonin nga pushteti presidenten aktuale. Ka shfuqizuar shumë ligje, e edhe vendime të gjykatave të rregullta, shkruan Koha Ditore.

Këtë javë e ka lënë në diskrecion të presidentit të vendosë që ta caktojë kandidatin për kryeministër nga cilido subjekt politik parlamentar që ajo do, në rastet kur kandidati i partisë fituese dështon ta bëjë Qeverinë. Deri tash, roli i presidentit në këtë proces shihej vetëm si ceremonial.

Vendimet e saj, përfshirë edhe këtë, kanë prodhuar debate. Në to janë përfshirë edhe politikanë. E, politika nuk i ka qëndruar anash këtij institucioni – raporte kredibile ndërkombëtare kanë folur për presione, por edhe ndërhyrje politike në këtë gjykatë. /Koha Ditore/ 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com