Hoxhë Ekrem Avdiu, nga Mitrovica, pas lirimit nga paraburgimi së bashku me Hoxhë Enis Ramën, përmes profilit të të twitterit i uroj për ritakimin dhe i përshëndeti të gjithë”Mirë se takohemi sërish. Falënderoj të gjithë ata që u solidarizuan, na përkrahën dhe u lutën për ne. Lus Allahun e Madhëruar që zemrat tona ti gëzojë me lirimin e gjithë të pafajshmive.”
Ndërsa sot në orët e paradites i ka dhënë një intervistë Radio Pendimit, duke thënë se gjatë gjithë kohës ka qenë shumë komod, siç ka thënë ai “së pari me Zotin tim, pastaj edhe individët e tjerë”.
I pyetur se a është njollosur imazhi i hoxhallarëve pas arrestimeve të fundit, hoxha në fjalë ka thënë që ka përshtypjen se më shumë është njollos imazhi i drejtësisë dhe i shtetit se sa imazhi i hoxhallarëve të cilët sipas tij, plotësisht janë të pafajshëm.
Megjithatë, Ekrem Avdiu ka thënë se gëzimi i tij dhe familjes së tij nuk është i plotë përderisa të lirohen edhe hoxhallarët tjerë.