Ish komandantët dhe is luftëtarët e UÇK-së, të cilët po mbahen në paraburgim si të dyshuar për vepra penale të kryera gjatë luftës në Kosovë, do të transferohen në Burgun e Mitrovicës së Veriut, ka konfirmuar avokati Tahir Rrecaj
Burgu ku do të shkojnë Sylejman Selimi, Sami Lushtaku dhe ish-lufëtrarë të tjerë të UÇK-së, administrohet nga serbët e kësaj pjese të Kosovës.
Pritet që avokatët të bëjnë ankesë ndaj vendimit të Gjykatës në Mitrovicë.
Shumica e pjesëtarëve të “Grupit të Drenicës”, kanë qenë në QKU për shkak të ankesave shëndetësore. Ata mbahen në paraburgim tash gati një vit, njofton express.
Ata pritet të dalin para trupit gjykues më 22 maj në Gjykatën Themelore në veri të Mitrovicës. Avokatët e tyre mbrojtës qysh më parë, kanë kërkuar që gjykimi i tyre të zhvillohet në Prishtinë e jo në Mitrovicë. /Telegrafi/
