Erdogan zgjidhet president i Turqisë

0

Kryeministri turk Recep Tayyip Erdogan është zgjedhur president i Republikës së Turqisë që në rrethin e parë të zgjedhjeve presidenciale, të parat në të cilat shefi i shtetit është zgjedhur drejtpërdrejt nga vota popullore, kanë njoftuar kanalet televizive.
Sipas rezultateve të pjesshme, që bazohen në rreth gjysmën e votave të numëruara deri tani, kreu i qeverisë islamiko-konservatore, 60 vjeç, në pushtet që prej vitit 2003, ka marrë rreth 56 për qind të votave.

Kandidati i opozitës, Ekmelettin Ihsanogluo ka marrë 35.9 për qind, ndërsa 8.5 për qind i ka marrë ai i minoritetit kurd, Selahhatin Demirtas.

Rreth 53 milionë votues janë thirrur sot të votojnë deri në orën 17:00 sipas orës lokale për të vendosur mes Erdoganit dhe dy kundërshtarëve të tjerë. Sipas vëzhguesve, pjesëmarrja në votim që u zhvillua në mes të periudhës së pushimeve, pritet të jetë mes 70 dhe 75 për qind.

Të gjitha sondazhet parazgjedhore tregojnë për një fitore të gjerë të shefit të qeverisë, me shumë mundësi që në raundin e parë, ndërsa rezultati përfundimtar pritet të shpallet sot në mbrëmje.

Asnjë incident me rëndësi nuk u sinjalizua gjatë votimit të sotëm në Turqi. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com