Ambasadat e huaja: Zgjidhja e problemit është në duart e popullit dhe udhëheqjes së saj

0

Derisa ekspertë të ndryshëm të çështjeve juridike – kushtetuese në vendin tonë vlerësojnë në mënyra të ndryshme marrëveshjen mes LDK-së, AAK-së dhe Nisma-s, ambasadorë të huaj në Kosovë, shprehen se kjo çështje s’ka të bëjë absolutisht me Bashkësinë Ndërkombëtare.
Ata thonë për Kosovapress se zgjidhja e problemit është në duart e vetë popullit të Kosovës dhe udhëheqjes së saj, duke shpresuar se kjo duhet të zgjidhet sa më parë që është e mundur.

Ambasadori i Britanisë së Madhe, IanCliff, tha se është shumë normale që në shtetet demokratike pas zgjedhjeve të bëhen koalicione.

Sipas tij, duhet pritur çertifikimin, sepse akoma nuk dihen rezultatet përfundimtare.

“Ende nuk i dimë cilat janë rezultatet finale, andaj duhet pritur çertifikimin e tyre. Partitë politike është normale të bisedojnë mes vete, duhet të respektohet kushtetuta, dhe kjo s’ka të bëjë absolutisht me Bashkësinë Ndërkombëtare”, ka thënë Cliff.

Ambasadorja greke, KonstantinaAthanassiadou, ka përsëritur qëndrimin e BE-së rreth zgjedhjeve të mbajtura më 8 qershor.

Ajo theksoi se zgjedhjet kanë shkuar mirë dhe nuk ka pasur probleme, ndërsa, situat e më e re e krijuar në vend duhet të zgjidhet sipas dinamikës së politikës kosovare.

Ndërkaq, ZoranVodopija, ambasador i Kroacisë në Kosovë, zgjidhjen e problemit e sheh tek populli i Kosovës dhe udhëheqësia e saj.

“Ne ndërkombëtarët mund vetëm të vështrojmë se çka po ndodhë, duke shpresuar se kjo do të përfundojë sa më parë, dhe se do të arrihet marrëveshja për kryeministrin e ri, koalicionin dhe funksionalizimin e parlamentit. Ajo që është më me rëndësi për Kosovën , por edhe Kroacinë, është që qeveritë të merren me ekonominë, të gjitha të tjerat janë më pak të rëndësishme”, ka thënë ambasadori kroat Vodopija. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com