​Beogradi me grup punues për të shtuar numrin e serbëve në Kosovë

0

Drejtori i Zyrës për Kosovën Marko Gjuriq ka deklaruar se ka ardhur koha që nga fjalët të kalohet në vepra kur bëhet fjalë për kthimin të shpërngulurve serbë në Kosovë.
Për këtë qëllim, siç njofton Tanjug, përcjell Koha.net, ai sot në Beograd është takuar me përfaqësues të OSBN-së, UNHCR-së, Zyrës së KB-së në Beograd, Zyrës së Përfaqësuesit special të BE-së EU, Komisariatit për refugjatë e të shpërngulur të Serbisë dhe të MPJ –së serbe, për, siç ka thënë ai, kthimin e të shpërngulurve internë në Kosovë.

“Përfaqësues e të gjitha organizatave pajtohen se kthimi në Kosovë deri më tash ka qenë simbolik dhe për këtë duhet marrë masa shtesë. Është arritur ujdia që këto institucione të formojnë grupin e punës i cili do të takohet rregullisht dhe bashkë do të definojë qëllimet e do të përcjellë realizimin e rezultateve konkrete”, ka thënë GJuriq

Sipas fjalëve të tij, në Kosovë janë kthyer vetëm 10 për qind nga 250.000 të shpërngulur dhe këtë shifër ai e ka quajtur shumë të vogël.

Shef i Përfaqësisë së UNHCR-së në Beograd Eduardo Arboleda iniciativën e ka quajtur të shkëlqyeshme.

Serbia vazhdimisht e ka ngritur numrin e të shpërngulurve serbë nga Kosova.

Mendohet se shifra nga 250 mijë serbë të shpërngulur përfshin edhe numrin e ushtarëve dhe të policëve që kishin ardhur pak para luftës nga Serbia në Kosovë. 

Share.

About Author

Leave A Reply

Visit Us On TwitterVisit Us On FacebookVisit Us On YoutubeCheck Our Feed
themekiller.com