Platforma kulturore Prishtina Talks organizon edicionin e radhës të Prishtina Book Talks, një ngjarje që synon të nxisë diskutimin intelektual dhe leximin kritik mbi tema me interes të thellë filozofik, etik dhe shpirtëror.

Libri i përzgjedhur për muajin gusht është “Realiteti Hyjnor: Zoti dhe Mirazhi i Ateizmit” nga autori britanik me prejardhje greke Hamza Tzortzis, një vepër që trajton ekzistencën e Zotit dhe përballjen me argumentet bashkëkohore të ateizmit. Libri sfidon lexuesin me argumente logjike dhe filozofike mbi qëllimin e ekzistencës, krijimin dhe moralin objektiv, duke ngritur pyetje thelbësore mbi kuptimin e jetës.

Ligjëruesi i ftuar për këtë takim do të jetë Osman Çekaj, i cili do të prezantojë thelbin e librit dhe do të udhëheqë diskutimin me pjesëmarrësit.

Ngjarja do të mbahet të hënën, më 4 gusht 2025, në orën 18:00, në Kompleksin Besa, në rrugën Shaip Spahia, Prishtinë.

Organizatorët ftojnë të gjithë të interesuarit të konfirmojnë pjesëmarrjen e tyre në këtë diskutim të hapur përmes kontaktit në numrin: +383 49 150 341.

Ky event është publik dhe i hapur për të gjithë.

Share.

Comments are closed.

Exit mobile version