Një operacion i koordinuar mes Prokurorisë Themelore në Mitrovicë dhe Policisë së Kosovës ka çuar në zbulimin e një plantacioni të vogël kanabisi. Aksioni u zhvillua në një lokacion në fshatin Kçiq i Madh, ku me urdhër të gjykatës u realizua një kontroll.
Gjatë këtij kontrolli, autoritetet gjetën dhe sekuestruan pesë bimë kanabis sativa të kultivuara. Për këtë rast, një person me inicialet M.A. u arrestua menjëherë.
Me vendim të prokurorit të shtetit, i dyshuari është dërguar në mbajtje për 48 orë. Ai akuzohet për kryerjen e veprës penale “prodhimi dhe përpunimi i paautorizuar i narkotikëve”. Hetimet pritet të vazhdojnë për të zbardhur plotësisht rrethanat e këtij rasti.
