Sekretari amerikan i Shtetit John Kerry, u takua me homologun e tij jordanez, Nasir Xhudeh, në lidhje me bisedimet e paqes për Sirinë që po zhvillohen në Gjenevë të Zvicrës.
Kerry tha se në mënyrë të drejtëpërdrejtë e kanë diskutuar me Rusinë dhunën e cila po vazhdon në Siri.
“Shpresa jonë është të bëjmë progres. Në vendimin e Këshillit të Sigurimit të Kombeve të Bashkuara parashihet ndalimi i luftimeve në tërë vendin dhe sigurimi i ndihmave humanitare, mirëpo kjo nuk u realizua dhe nuk po realizohet ende”, tha ai.
Diplomati amerikan tha se janë duke punuar për ndalimin e luftimeve. “Këto janë momente kritike. Nga regjimi presim që t’i kushtojë vëmendje Rusisë dhe ta respektojë vendimin e Këshillit të Sigurimit të Kombeve të Bashkuara”, tha Kerry.
