Parlamenti jemenas të dielën vendosi të thërrasë ministrin e mbrojtjes dhe atë të brendshëm të vendit për t’iu përgjigjur pyetjeve mbi sulmet e ndërmarra nga dronet e SHBA-ve brenda vendit.
“Parlamenti ka të drejtë të pyesë qeverinë në lidhje me sulmet e telekomanduara, të cilat shkelin sovranitetin kombëtar të Jemenit,” tha deputeti Ali Abu Haliqa, Kryetari i komitetit ligjor dhe kushtetues të parlamentit, për Agjencinë Anadolu.
Një shumicë e parlamentit prej 301 vendesh miratoi kërkesën për të thirrur dy ministrat të paraqiten para legjislativit të enjten.
Një numër prej të paktën 30 vetave u vranë nga një mori sulmesh të telekomanduara në provincën jugore të Abyan herët sot.
Dhjetë të dyshuar të Al-Kaidës dhe tre civilë janë vrarë në një sulm të ngjashëm në krahinën qendrore të Al-Bayda një ditë më parë./mesazhi/
